Նախընտրելի
Ահաբեկչության դեմ պայքարի վերաբերյալ ՄԱԿ ԱԽ բանաձեւի ռուսական նախագծի հիմքում միջազգային իրավունքի հիման վրա հակաահաբեկչական համակարգված գործողությունների կառուցումն է: Այս մասին հայտարարել է ՌԴ ԱԳՆ ղեկավար Սերգեյ Լավրովը:
Ռուսաստանի արտգործնախարարության ղեկավարը հիշեցրել է, որ ՌԴ նախագահը ելույթ ունենալով ՄԱԿ-ի Գլխավոր վեհաժողովի տրիբունայից առաջարկել է քննարկել «Իսլամական պետություն» արմատական խմբավորմանը ու այլ ահաբեկչական կառույցներին դիմակայող բոլոր ուժերի գործողությունների համակարգման մասին բանաձեւի համաձայնեցման հնարավորությունը, հայտնում է «ՌԻԱ Նովոստին»:
«Այսօր մենք Անվտանգության խորհրդի անդամներին են ներկայացնելու նման բանաձեւի նախագիծ: Այն հիմնված է Խորհրդի կողմից ավելի վաղ ընդունված փաստաթղթերի վրա եւ շեշտում է միջազգային իրավունքի նորմերի ու սկզբունքների հիման վրա հակաահաբեկչական համակարգված գործողություններ կառուցելու անհրաժեշտությունը»,- ասել է Ռուսաստանի ԱԳ նախարարը ելույթ ունենալով ՄԱԿ-ի Անվտանգության խորհդի նիստում:
