նախընտրելի դարձնել
Ռումինիան կարող է մասնակցել Հայաստանի տրանսպորտային ծրագրերում: Այս մասին նշվել է հոկտեմբերի 21-ին, Բուխարեստում մասնակցել է Սեւծովյան տնտեսական համագործակցության կազմակերպության (ՍԾՏՀ) անդամ երկրների տրանսպորտի նախարարների հանդիպման ժամանակ:
Կազմակերպությունում Ռումինիայի նախագահության շրջանակներում կազմակերպված հանդիպմանը մասնակցում էին ՍԾՏՀ անդամ երկրների պատվիրակությունները, ՄԱԿ-ի Եվրոպայի տնտեսական հանձնաժողովի, Սեւծովյան տնտեսական համագործակցության մասնագիտացված կազմակերպությունների ներկայացուցիչները:
ՀՀ տրանսպորտի եւ կապի նախարար Գագիկ Բեգլարյանն իր ելույթում ընդգծել է Հայաստանի կառուցողական մասնակցությունը կազմակերպության գործունեության արդյունավետությունը բարելավելու գործում, ՀՀ աջակցությունը Սեւծովյան տարածաշրջանում, մասնավորապես, տրանսպորտի ոլորտում տնտեսական համագործակցության խթանմանը, եւ կազմակերպության նախանշած նպատակների իրականացմանը:
Այնուհետեւ նախարարը անդրադարձավ Հայաստանում իրականացվող ճանապարհաշինական նախագծերին, մասնավորապես, Հյուսիս-հարավ ճանապարհային միջանցքի կառուցմանը, որը կկապի Սեւծովյան տարածաշրջանային երկրները Իրանի եւ Արեւելյան Ասիայի երկրների հետ:
Գագիկ Բեգլարյանը, անդրադարձավ նաեւ Հայաստանի հարավային՝ Հայաստան-Իրան երկաթուղու, որպես Հյուսիս-հարավ երկաթգծի ամենակարճ եւ հուսալի կապի, կառուցման նախագծին:
Հանդիպմանը հաջորդեց Հայաստանի եւ Ռումինիայի տրանսպորտի նախարարների երկկողմ հանդիպումը, որի ընթացքում քննարկվեցին երկկողմ համագործակցության մի շարք հարցեր:
Հայաստանի տրանսպորտի եւ կապի նախարարը, որպես Հայ-Ռումինական միջկառավարական հանձնաժողովի համանախագահ, Ռումինիայի տրանսպորտի նախարար Յուլիան Մատակեի հետ քննարկեց Բուխարեստում միջկառավարական հանձնաժողովի հաջորդ նիստի եւ զուգահեռ գործարար համաժողովի անցկացման ժամկետները:
Քննարկվել են նաեւ Հայաստանի տրանսպորտային ծրագրերում Ռումինիայի մասնակցության հնարավորությունները:
