նախընտրելի դարձնել
Հայաստանի Կառավարությունը փոխհատուցում է ոռոգման ջրի գնի մեջ ներառված էլեկտրականության գնի թանկացումը։ Այդ մասին նոյեմբերի 4-ին հայտնել է Գյուղատնտեսության նախարարության Ջրային տնտեսության պետական կոմիտեի նախագահ Արամ Հարությունյանը՝ խորհրդարանում Հայաստանի 2016 թվականի պետբյուջեի քննարկման ընթացքում։
Դրա շնորհիվ, հավելել է նա, ոռոգման ջրի սակագինը նույնը կմնա՝ 1 խորանարդ մետրի համար 11 դրամ։
Հիշեցնենք, որ բյուջեի նախագծի համաձայն, նախատեսվում է ոռոգման ջրի օպերատորներին տրվող սուբսիդիաները մեծացնել 32 տոկոսով, մինչեւ 1 մլրդ 251 մլն դրամ (ընթացիկ փոխարժեքով մոտ 2,6 մլն դոլար – ծ.խ.)։
Չնայած բազմաթիվ բողոքներին, հունիսի 17-ին պետկարգավորող մարմինը հաստատել է էլեկտրաէներգիայի սակագնի 10-15 տոկոս թանկացումը։
Բաժանորդների համար ցերեկային սակագները 0,38, 6 (10), 35 եւ 110 կՎ թանկացումից հետո կազմել են 48,78, 45,78, 39,78 и 37,28 դրամ մեկ կՎտ ժամի դիմաց (ընթացիկ փոխարժեքով համապատասխանաբար՝ 10,1, 9,5, 8,2 եւ 7,7 ցենտ)։ 110 կՎ-ի բաժանորդների համար կազմել է 4,43 դրամ, իսկ մնացածի համար՝ 6,93 (վտժ գիշերային սակագներով)։
