Այսօր` սեպտեմբերի 3-ին Շանհայում կմեկնարկի The Grand Slam Final Chess Masters շախմատային սուպերմրցաշարը` Լեւոն Արոնյանի (Հայաստան, 2783), Վլադիմիր Կրամնիկի (Ռուսաստան, 2780), Ալեքսեյ Շիրովի (Իսպանիա, 2749) եւ Վան Հաոյի (Չինաստան, 2724) մասնակցությամբ: Երկու շրջանով անցկացվելիք մրցաշարի առաջին երկու տեղերը զբաղեցրած գրոսմայստերները հոկտեմբերին Իսպանիայի Բիլբաո քաղաքում համաշխարհային դասակարգման առաջատար Մագնուս Կարլսենի եւ աշխարհի չեմպիոն Վիշվանաթհան Անանդի հետ կվիճարկեն Մեծ Սաղավարտը, որի տիրակալը գործնականում կարող է համարվել այս տարվա աշխարհի չեմպիոնը: Շանհայի մրցաշարը կշարունակվի մինչեւ սեպտեմբերի 8-ը: Տուրի սկիզբը Երեւանի ժամանակով 10:30-ին է: Պարտիաներին Online կարող եք հետեւել մեր կայքի միջոցով: