նախընտրելի դարձնել
Սոցիալական ապահովության ծառայության Վանաձորի տարածքային կառույցը հայտնվել է իրավապահների ուշադրության կենտրոնում: NEWS.am-ին հայտնի է դարձել, որ այստեղ ստուգումներ են անցկացվել ու չարաշահումներ հայտնաբերվել: Մանսավորապես, խոսքն այն բաժնի մասին է, որի մեջ մտնում է նաեւ Դեբեդ գյուղի սպասարկումը:
Նախնական տեղեկություններով` պարզվել է, որ այս տարածքով զբաղվող բաժնի պատասխանատուն գյուղացիներից գումարներ է պահանջել նպաստառուների ցուցակում ընդգրկելու համար` պայմանով, որ առաջին ամսվա գումարն ինքն է ստանալու: Այսպիսի բազմաթիվ դեպքեր են հայտնաբերվել, որոնք առայժմ քննության փուլում են:
Դեբեդի գյուղապետ Արարատ Քոչարյանը NEWS.am-ի հետ զրույցում ասաց, որ ինքն էլ է լսել նման տեղեկություն, սակայն մանրամասներից տեղյակ չէ: «Դա գյուղապետարանի հետ կապ չունի, ուղղակի փոստն է էստեղ, էստեղից են թոշակներն ու նպաստները ստանում: Ես ոչնչից տեղյակ չեմ: Ես էլ եմ լսել, որ քննիչները աշխատում են նպաստների հետ կապված: Երեւի ամեն ինչ պարզ կլինի քննությունից հետո»,-ասաց Արարատ Քոչարյանը:
