նախընտրելի դարձնել
Լեւոն Զուրաբյանը ընտրական հանձնաժողովում իրենց ներկայացուցիչներին կաշառելու փաստը թող ներկայացնի դատախազություն: Այս մասին NEWS.am-ի թղթակցի հետ զրույցում այսօր` նոյեմբերի 27-ին, ասաց ՀՀԿ խմբակցության պատգամավոր Հովհաննես Սահակյանն` անդրադառնալով ՀԱԿ խմբակցության ղեկավար Լեւոն Զուրաբյանի այն հայտարարությանը, որ ընտրատեղամասերում ՀԱԿ կուսակցության անդամներին փորձել են կաշառել եւ այդ մասին վկայող ապացույցներ կան: Զուրաբյանը հայտարարել էր, որ կան համապատասխան ձայնագրություններ, որոնք պատրաստվում են ուղարկել ՀՀ գլխավոր դատախազություն:
«Երեւույթը, որ փորձել են տարբեր բանակցություններ կամ չգիտեմ խոսակցություններ վարել, դրանք այլ հարթության մեջ են, բայց կաշառքի փաստը այլ հարթության մեջ է: Լեւոն Զուրաբյանը նախկինում հայտարարել էր, որ կաշառել են տարբեր եվրոպացի գործընկերների ու չվստահելով իրավապահ համակարգին` չէր տալիս փաստերը: Եթե գյուղամեջում իրար հետ զրուցել են ու ենթադրել են, որ սա կաշառելու փորձ է, թե կոնկրետ գնացել առաջարկել են, սրանք տարբեր են: Դրա համար, որ մենք ենթադրությունների մեջ չմտնենք, թե ինչ նկատի ունի, թողնենք Լեւոն Զուրաբյանը դիմի դատախազություն, նոր դա քննարկենք»,-ասաց ՀՀԿ-ական պատգամավորը:
Հիշեցնենք, որ Լեւոն Զուրաբյանը բացի իրենց ներկայացուցիչներին կաշառելու փորձերից, բարձրաձայնել է նաեւ դպրոցներում ուսուցիչներին ու աշակերտների ծնողներին «այո»-ի օգտին ստիպողաբար ցուցակագրելու մասին:
