նախընտրելի դարձնելՉեչնիայում սեպտեմբերի 6-ին գնդակոծել են ՌԴ ներքին զորքերին պատկանող Mi-8 ուղղաթիռը, որը մթերք էր տեղափոխում ստորաբաժանումներից մեկին:
Օդանավը գնդակոծման տակ է հայտնվել Չեչնիայի Ուրուս-Մարտանի շրջանի Շալաժի բնակավայրի շրջանում, հաղորդում է «Ինտերֆաքսը»՝ վկայակոչելով Հյուսիսային կովկասում զորքերի խմբավորման շտաբը:
Գնդակոծման արդյունքում վնասվածքներ է ստացել գնդացրորդը: Չնայած արտակարգ միջադեպին, անձնակազմին հաջողվել է բարեհաջող վայրէջք կատարել: Այժմ պարզվում են միջադեպի հանգամանքները:
