նախընտրելի դարձնելԹուրքիայի նախագահ Ռեջեփ Թայյիփ Էրդողանը հայտնել է, որ իր երկիրը էներգիայի մատակարարումների հարցում կարող է գլուխ հանել առանց Ռուսաստանի: Նա Ռուսական գազի փոխարինիչ է գտել Ադրբեջանում եւ Կատարում, գրում է «Իզվեստիան»:
Ավելի վաղ Էրդողանը հայտնել էր, որ Թուրքիան Ռուսաստանից նավթի եւ գազի առանցքային գնորդ է, սակայն այժմ թուրք առաջնորդը վստահ է, որ կարող է «այլ մատակարարներ գտնել» եւ բերել է Կատարի եւ Ադրբեջանի օրինակը:
Հիշեցնենք, որ այն բանից հետո, երբ Ռուսաստանը սկսեց հակաթուրքական պատժամիջոցներ կիրառել Սու-24-ի կործանմանն ի պատասխան, Անկարան բանակցային գործընթաց սկսեց այլ հնարավոր գործընկերների հետ: Մասնավորապես, դեկտեմբերի 3-ին Թուրքիայի վարչապետ Ահմեդ Դավութօղլուն տեղեկացրել է Ադրբեջանի հետ մինչեւ 2018 թվականը ԹԱՆԱՊ գազատարի մուտքի մասին:
Այս նախագիծը նախատեսում է Շահ-Դենիզ հանքավայրի գազը Թուրքիայի տարածքով հասցնել մինչեւ Եվրոպայի սահման: Գազատարի կառուցումը սկսվել է 2015-ին: Դրա նախնական ամենամյա թողունակությունը, ըստ պլանների կկազմի 16 մլրդ խորանարդ մետր:
