նախընտրելի դարձնել
Սեպտեմբերի 8-ին ՀՀ Ազգային ժողովի նախագահ Հովիկ Աբրահամյանն ընդունել է Միջազգային եվրոպական շարժման փոխնախագահ, Բելգիայի պետնախարար Շառլ Ֆերդինանդ Նոթոմին եւ գլխավոր քարտուղար Ժոաո Դիոգո Պինտոյին:
ԱԺ մամուլի ծառայությունից NEWS.am-ին հայտնում են, որ հանդիպման ժամանակ Հովիկ Աբրահամյանն ընդգծել է, որ Հայաստանը կարեւորում է ինտեգրումը եվրոպական ընտանիքին, եւ այդ ուղղությամբ համապատասխան քայլեր են կատարվում:
Շառլ Ֆերդինանդ Նոթոմը նշել է, որ Հայաստանի եվրոպական շարժումն ամենադինամիկն է Եվրոպայի այս հատվածում: Նա ողջունեց 2011 թվականի նոյեմբերին Միջազգային եվրոպական շարժման համաժողովի անցկացումը Հայաստանում` ակնկալելով ՀՀ Ազգային ժողովի աջակցությունը: Այն նվիրված կլինի Արեւելյան գործընկերության անդամ երկրների եվրաինտեգրմանը:
Ազգային ժողովի նախագահ Հովիկ Աբրահամյանը կարեւոր է համարել համաժողովի գաղափարը`պատրաստակամություն հայտնելով աջակցել դրա անցկացմանը: Ազգային ժողովի նախագահը նշել է, որ համաժողովը դրական կանդրադառնա ժողովրդավարական գործընթացների վրա:
Զրուցակիցներն անդրադարձել են նաեւ ԼՂ հակամարտությանը, հայ-թուրքական հարաբերություններին:
