նախընտրելի դարձնելՊետական եւ ոչ պետական լավագույն երաժշտական խմբերը եւ անհատ-կատարողները 2015-ին հայ երաժշտական հնարավորությունները ներկայացրել են աշխարհի 4 մայրցամաքում: Այդ մասին 25-ի ամփոփիչ մամուլի ասուլիսին հայտնել է Հայաստանի մշակույթի փոխնախարար Արթուր Պողոսյանը:
Նրա խոսքով, տարին աննախադեպ էր նաեւ երաժշտական փառատոների տեսանկյունից: «Մենք մոտավորապես 15 փառատոն ենք անցկացրել, որոնցից 7-ը` հանրապետական, իսկ 8-ը` միջազգային նշանակության: Դրանցից կարելի է առանձնացնել «Երեւանյան հեռանկարներ» փառատոնը, «Արամ Խաչատրյան» միջազգային փառատոնը, դասական երաժշտության «Վերադարձի» փառատոնը, «Կոմիտաս» եւ «Դեբյուտ» փառատոները, - նշել է Արթուր Պողոսյանը: Փոխնախարարը տեղեկացրել է, որ ձեռք է բերվել եւ կատարվել է հայ 20 երաժշտական կոմպոզիտորների 21 ստեղծագործություն: «Այս տարի մենք նաեւ սկսել ենք թվայնացնել պարտիտուրները. թվայնացվել է 2 օպերայի, 2 բալետի, 1 սիմֆոնիկ պատկերի եւ 1 շարականի պարտիտուր: Գյումրիի պետական սիմֆոնիկ նվագախումբը այս տարի ապահովվել է նոր գործիքներով: «Արամ Խաչատրյան» համերգասրահը ամբողջությամբ զինվել է ժամանակակից լուսաձայնային սարքավորումներով»,-ամփոփել է Արմեն Պողոսյանը:
