նախընտրելի դարձնելԼՂՀ ՊՆ, ՊԲ հրամանատար, գեներալ-լեյտենանտ Լեւոն Մնացականյանն, այսօր՝ դեկտեմբերի 26-ին, ընդունել է «Գրանդ Հոլդինգի» սեփականատեր Միքայել Վարդանյանին եւ նրան անվանական դաշույն նվիրել:
ԼՂՀ ՊՆ-ից NEWS.am-ին հայտնում են, որ Միքայել Վարդանյանը հերթական անգամ հանդես է եկել ՊԲ զինծառայողներին ուղղված բարեգործական նախաձեռնությամբ:
Հանդիպմանը, որին ներկա էր նաեւ ԼՂՀ փոխվարչապետԱրթուր Աղաբեկյանը, բանակի հրամանատարը շնորհակալություն է հայտնել բարերարին տարիներ շարունակ ցուցաբերվող աջակցության համար եւ պարգեւատրել շնորհակալագրով ու անվանական դաշույնով:
Այնուհետեւ հյուրերը բանակի հրամանատարի ԱՀՏԱԳ տեղակալ, գեներալ-մայոր Վարդան Բալայանի ուղեկցությամբ այցելել են բանակի կենտրոնական ենթակայության զորամասերից մեկը եւ ծանոթացել անձնակազմի զորանոցային պայմաններին:
