նախընտրելի դարձնել2016-ից Հայաստանում ուժի մեջ կմտնեն հաշմանդամություն ունեցող անձանց աշխատանքի տեղավորման քվոտաներ: Այդ մասին դեկտեմբերի 26-ին լրագրողներին հայտնել է Հայաստանի աշխատանքի եւ սոցիալական հարցերի նախարար Արտեմ Ասատրյանը` ամփոփելով 2015-ի արդյունքները:
Քվոտան ուժի մեջ է մտել արդեն 2015-ից` այն պետական հաստատություններում, որոնց աշխատակազմը 100 մարդուց ավելի է: Այժմ աշխատողների թվի 3 տոկոսը պիտի կազմեն հաշմանդամություն ունեցող անձինք: 2016-ից քվոտան կգործի նաեւ մասնավոր սեկտորում` 1 տոկոսի չափով, դարձյալ 100 եւ ավելի աշխատակից ունեցող ձեռնարկություններում:
Հանրապետությունում մոտ 200 հազար հաշմանդամ կա, որոնցից զբաղված է մոտ 9 տոկոսը: «Մեր նպատակը նրանց զբաղվածությունն ավելացնելն է, դա նրանց ինտեգրացիայի կարեւորագույն հարց է», - հայտնել է Ասատրյանը:
