ԱՄՆ-ի նախագահության թեկնածու Դոնալդ Թրամփի հորինովի նույնասեռական արկածների մասին վեպը  Amazon-ում հիթ է դարձել, գրում է Gazeta-ն` վկայակոչելով   The Los Angeles Times-ին: Գրքի հեղինակը 22-ամյա կատակերգու Էլայջա Դենիելն է: Նրա ստեղծագործությունը կոչվում է «Թրամփի գայթակղությունը. միլիարդատերը եւ թղթատարը»:

Ինչպես նշում է թերթը, Դենիելն ինքնակենսագրականում զգուշացնում է, որ ինքը  «կատակերգու է եւ շատ վատ հեղինակ» եւ որ իր գրածներից ոչինչ չարժե կարդալ: 

Գիրք գրելու պլանների մասին Դենիելը տեղեկացրել էր թվիթերում. Նա խոստացել էր հարբել, Թրամփի մասին վեպ ստեղծել  «Մոխրագույնի հիսուն երանգ ոճում» եւ այն վաճառքի հանել Amazon-ում: «Թրամփի գայթակղության» մեջ պատմվում է Հոնկոնգում  թղթատարի եւ միլիարդատիրոջ միջեւ «հարաբերությունների» մասին:  

Գիրքը համացանցային խանութի կայքում  174 արձագանք է ստացել, ընդ որում գնահատողների մեծամասնությունը գրքին հինգ աստղ է դրել: