նախընտրելի դարձնելՍաուդյան Արաբիան Ռուսաստանին առաջարկում է 5 տոկոսով (օրական 0,5 մլն բարելից մի քիչ ավելի) կրճատել նավթի արդյունահանումը: Այդ մասին Gazeta-ին պատմել է նավթ արդյունահանող երկրների միջեւ բանակցությունների ընթացքին լավ ծանոթ աղբյուրը:
Ներկայումս կողմերը քննարկում են համաշխարհային շուկայում առաջարկի նվազեցման տարբեր հնարավորությունները, ճշտում է աղբյուրը:
Ինչպես ավելի վաղ հաղորդվել էր, Սաուդյան Արաբիան առաջարկել է ՕՊԵԿ-ի հանդիպում անցկացնել նավթի գների եւ արդյունահանման հնարավոր նվազեցման հետ կապված իրավիճակի քննարկման համար: Այդ մասին չորեքշաբթի երեկոյան հայտնել է «Տրանսնավթի» ղեկավար Նիկոլայ Տոկարեւը` ամփոփելով Ռուսաստանի էներգետիկայի նախարար Ալեքսանդր Նովակի հետ ռուսաստանյան նավթի ոլորտի ներկայացուցիչների հետ խորհրդակցության արդյունքները: ՕՊԵԿ-ի նոր հանդիպումը կարող է տեղի ունենալ արդեն փետրվարին:
