նախընտրելի դարձնելԻնքնահռչակված Կոսովոյի հանրապետության խորհրդարանական ընդդիմադիր կուսակցությունները սպառնացել են բողոքի ամենօրյա ակցիաներ անցկացնել, եթե Կոսովոյի վարչապետ Իսա Մուստաֆան մինչեւ փետրվարի 17-ը հրաժարական չտա, տեղեկացնում է ՏԱՍՍ-ը` վկայակոչելով «Զերի» թերթին:
Ընդդիմությունը նաեւ պահանջում է, որ մինչեւ այդ ժամկետը Մուստաֆան. արտահերթ խորհրդարանական ընտրությունների անցկացման օր նշանակի: Վերջնագրի վերջնաժամկետը պատահաբար չի ընտրված. փետրվարի 17-ին լրանում է Կոսովոյի անկախության միակողմանի հռչակման ութ տարին: Վերջին ամիսների ընթացքում Կոսովոյի խորհրդարանի գործնականում յուրաքանչյուր նիստ ուղեկցվել է ընդդիմության ներկայացուցիչների կողմից արցունքաբեր գազի կիրառությամբ. նրանք հանդես են գալիս Բելգրադի հետ հարաբերությունների կարգավորման բանակցությունների մի շարք կետերի, մասնավորապես` Կոսովոյում Սերբական քաղաքապետարանների ընկերակցության ստեղծման առանցքային դրույթի դեմ: Ընդդիմությունը բազմիցս հայտնել է, որ Մուստաֆայի հրաժարականն է պահանջում եւ կարգելակի խորհրդարանի աշխատանքը, մինչեւ հասնի դրան:
