նախընտրելի դարձնել
Ժամանակակից տղամարդիկ լուրջ հարաբերությունների համար գերադասում են խելացի կանանց, պարզել են Ինսբրուքի ու Հյուսիս-արեւմտյան համալսարանների հոգեբանները:
Սակայն ուժեղ սեռի ներկայացուցիչները այսպես են համարում միայն եվրոպական երկրներում ու ԱՄՆ-ում, որտեղ կա սեռերի հավասարություն:
Մասնագետները ուսումնասիրել են մի քանի ժողովուրդների մշակույթներ, նաեւ պարզել, թե ինչպես են վերջին տասնամյակներում փոխվել տղամարդկանց նախասիրությունները կին ընտրելու հարցում: Նրանց հոդվածը հրապարակվել է European Review of Social Psychology ամսագրում:
Պարզվել է, որ առաջ տղամարդիկ բնազդաբար առաջին հերթին ուշադրություն էին դարձնում կնոջ արտաքինին : Բայց հիմա ուժեղ սեռի ներկայացուցիչների համար կարեւոր է դարձել կնոջ կրթությունը, նաեւ նրա մտավոր ունակությունները:
«Ամուսնության հարցում տղամարդիկ համարում են, որ եթե իրենց կինը նույնքան ավանդ ունեն ընտանեկան բյուջեում, դրանից ընտանիքը միայն կշահի: Կիրթ ու խելացի կինը կարող է հրաշալի կարիերա ունենալ»,- անկեղծացել է պրոֆեսոր Էլիս Իգլին, հայտնում է «Ինֆորմինգը»:
Հոգեբանները շեշտում են,ո ր տղամարդկանց միշտ էլ գրավել են ու կգրավեն գեղեցիկ աղջիկները: Սակայն լավ կլինի, եթե աղջիկը միաժամանակ եւ՛ գեղեցիկ, եւ՛ խելացի լինի:
