Ավստրալիայում հազվագյուտ ալբինոս կենգուրուն ամերիկուհու վրա է  «հարձակվել» համբույրներով եւ գրկախառնություններով, տեղեկացնում է   Gazeta-ն` վկայակոչելով  Daily Mail-ին: Միջադեպի տեսագրությունը հնարավոր է տեսնել թերթի կայքում: 

Ինչպես նշում է պարբերականը, կենգուրուն ակնհայտորեն մի քիչ քնքշանք էր ցանկանում: Նա գրկում եւ համբուրում էր Նիկոլ անունով ուսանողուհուն  (նրա ազգանունը չի հաղորդվում), մինչեւ որ ամերիկուհուն օգնության հասան:  

Նիկոլն Ավստրալիա է եկել այլ ուսանողների խմբի հետ միասին:  Սպիտակ կենգուրուի հետ հանդիպումը տեղի է ունեցել վայրի բնության Կավերշեմ այգում: 

Ամերիկուհու ընկերը, որը տեսանկարահանել է դա, հայտնել է, որ իրենք առաջին անգամ էին կենգուրու տեսնում, եւ դա «ցնցող փորձառություն էր»: «Ես միշտ կատակում էի, որ Նիկոլը համակրելի ավստրալացու կհանդիպի, եւ թվում է` նրա ցանկությունն իրականացավ», – հայտնել է նա: