Նախընտրելի
ԱՄՆ Գերագույն դատարանը մերժել է Թերեզա Լյուիսի բողոքը՝ մահապատժի վճռի դեմ: Լյուիսի մահապատիժը կիրականացվի առաջիկա հինգ տարիների ընթացքում: Վերջին 100 տարվա ընթացքում առաջին անգամ է, որ կնոջ են մահապատժի ենթարկելու:
2002թ. 41-ամյա Լյուիսն իրեն մեղավոր է ճանաչել ամուսնու եւ խորթ որդու սպանության մեջ: Դեպքը տեղի էր ունեցել Վիրջինիա նահանգում, Ռիչմոնդի մերձակայքում: Հանցագործության եւս երկու մասնակիցներ ցմահ ազատազրկման են դատապարտվել:
Սպանության համար նա վարձել էր իր սիրեկանին՝ Մեթյու Շալլենբերգին եւ 19-ամյա Ռոդնի Ֆուլլերին: Սպանության նպատակն էր տիրանալ զոհերի ապահովագրական միջոցներին:
Հանցագործները Ջուլիան Լյուիսի վրա կրակել էին անկողնու մեջ, բայց զոհը հասցրել էր ոստիկաններին ասել. «Իմ կինը գիտի, թե ով է արել»:
Թերեզա Լյուիսը մահապատժի է ենթարկվելու մահացու ներարկման միջոցով:
