նախընտրելի դարձնել
ՀՀ կառավարության 2016 թվականի փետրվարի 25-ի թիվ 182-Ն որոշմամբ հաստատվել է պետական ծառայողներին մատչելի բնակարաններով ապահովման ծրագրի շրջանակներում Երեւան քաղաքի Արաբկիր վարչական շրջանի Ադոնց փողոցի N 6/2 հասցեում կառուցվող բազմաբնակարան շենքային համալիրից բնակարանների վաճառքի կարգը:
Կառավարության վերոնշյալ որոշմամբ սահմանվել է, որ ծրագրի շրջանակներում կառուցվող շենքերից բնակարանների բաշխման ու վաճառքի աշխատանքները Հայաստանի Հանրապետության անունից կազմա-կերպում եւ ղեկավարում է ՀՀ քաղաքաշինության նախարա¬րությունը՝ ՀՀ ՔՆ «Քաղաքաշինական ծրագրերի իրականացման գրասենյակ» պետական հիմնարկի միջոցով:
Նշենք, որ ՀՀ քաղաքաշինության նախարար Նարեկ Սարգսյանի հրամանով 2016 թվականի մայիսի 2-ը սահմանվել է նոր կառուցվող բազմաբնակարան շենքային համալիրից բնակարան ձեռք բերելու ցանկություն ունեցող պետական ծառայողների կողմից ներկայացվող դիմում-հայտերի ընդունման վերջնաժամկետ:
Դիմում-հայտերի, գերատեսչական տեղեկանքների ներկայացման վերջնաժամկետի, ինչպես նաեւ տեղեկանքի ձեւին հնարավոր է ծանոթանալ այցելելով հետեւյալ հղումով` http://www.minurban.am/lows/files/z11hraman.pdf:
Տեղեկացնենք նաեւ, որ պետական ծառայողներին մատչելի բնակարաններով ապահովման ծրագրի սպասարկումն իրականացվելու է Արդշինբանկ ՓԲԸ-ի հետեւյալ մասնաճյուղերի միջոցով.
1. Գլխամասային գրասենյակ` Գրիգոր Լուսավորիչ 13
2. Կենտրոն մասնաճյուղ` Պուշկինի 21/1
3. Արաբկիր մասնաճյուղ` Կոմիտասի պողոտա 41
4. Կոմիտաս մասնաճյուղ`` Կոմիտասի պողոտա 30
5. Կասկադ մասնաճյուղ` Թամանյան 1 տարածք 70
Աշխատանքային ժամերն են երկուշաբթիից-ուրբաթ` 09:15-16:45:
Լրացուցիչ տեղեկությունների համար զանգահարել 011-621-776 հեռախոսահամարով:
