ՀՀ տրանսպորտի եւ կապի նախարարությունը տեղեկացնում է, որ ապրիլի 14-ի լուսաբացին Տավուշի մարզի Բերդ-Արծվաբերդ-Չինարի հանրապետական նշանակության ավտոճանապարհի 28-րդ կմ-ում` Այգեձոր գյուղի վերջնամասում, տեղի է ունեցել հողային պաստառի վերին շեպի փլուզում:

Մոտ 1100 խմ ծավալի ժայռաբեկորները եւ բնահողը երկկողմանի փակել են ճանապարհը: Այս պահին Տավուշի ճանապարհաշինական ընկերության աշխատակիցները ձեռնարկում են համապատասխան միջոցառումներ` բնահողը եւ ժայռաբեկորները ճանապարհից հեռացնելու, ինչպես նաեւ երթեւեկությունը հնարավորինս սեղմ ժամկետներում վերականգնելու համար:

ԱԻՆ-ից էլ հայտնում են, դեպքի վայր են մեկնել ՄՓՎ օպերատիվ խումբը եւ մեկ մարտական հաշվարկ: Բերդի տարածաշրջանում ակտիվացել է սողանք, ինչի հետեւանքով միջհամայնքային ավտոճանապարհը ամբողջովին փակվել է (մոտ 15 մ):