նախընտրելի դարձնել
Վարդենիս-Սոթք, Սոթք-Քարվաճառ ճանապարհը վերջին անգամ հիմնանորոգվել է 14 տարի առաջ: Այս մասին NEWS.am-ի հետ զրույցում ասաց «Հայաստանի ավտոմոբիլային ճանապարհների տնօրինություն» ՊՈԱԿ-ի գլխավոր տնօրեն Աշոտ Արշակյանը` նշելով, որ մինչեւ հոկտեմբեր նախատեսվում է հիմնանորոգել տվյալ ճանապարհի հինգ ու կես կմ-ը:
«Այս տարի հինգ ու կես կմ. հիմնանորոգման տակ ա դրված, պետք է հիմնանորոգվի: Համաշխարհային բանկի ֆինանսավորմամբ մրցույթը երկու օրվա մեջ կհայտարարվի եւ մինչեւ սեպտեմբեր-հոկտեմբեր այդ ճանապարհի հինգ ու կես կմ կհիմնանորոգվի: Մենք ունենք խնդիր հինգ ու կես կմ հատվածում, մինչեւ Սոթք կունենանք շատ լավ ճանապարհ: ՀՀ Տրանսպորտի եւ կապի նախարարության միջոցներով է հիմնանարոգվելու, բայց շինարարությունն իրականացնելու են ճանապարհաշինարարները: Մենք չենք կառուցում, մենք տվյալ դեպքում որպես պատվիարտու ենք հանդես գալիս»,-ասաց նա:
