Երեւանի պետական համալսարանը եւ «Հայկական PR ասոցիացիան» «Գրքի տոն» են նախաձեռներ, որը տեղի կունենա ԵՊՀ գրադարանի նախասրահում, սեպտեմբերի 29-ին, ժամը 13:30-ին:

2012 թվականին Երեւանը ՅՈՒՆԵՍԿՕ-ի կողմից  հռչակվել է համաշխարհային գրքի մայրաքաղաք: Այս աննախադեպ միջոցառմանն ընդառաջ Երեւանի պետական համալսարանը եւ «Հայկական PR ասոցիացիան» նախաձեռնել են իրականացնել «Գրքի տոն» ԵՊՀ-ում:

ԵՊՀ  հրատարակչությունը  Հայաստանում գործող ամենահին հրատարակչությունն է: Համալսարանում առաջին գիրքը լույս է տեսել 1920թ:  

2009-2010 ուս. տարում Համալսարանի հրատարակչությունը  գրանցել է ամենաբարձր  ցուցանիշները. հրատարակվել է 200-ից ավելի անուն գիրք՝ 3390 հրատ. մամուլ ծավալով:

ԵՊՀ հրատարակչության կողմից հրատարակված գրքերը կցուցադրվեն, ինչպես նաեւ՝ կազմակերպիչները որոշակի քանակությամբ գրքեր կնվիրեն այցելուներին, ուսանողներին, գրադարանների ներկայացուցիչներին:

Նախաձեռնության հիմնական նպատակն է կոչ անել երիտասարդներին,  հատկապես՝ ուսանողներին ընթերցել գրքեր, հաճախ օգտվել գրադարաններից եւ ընթերցանությունը դարձնել հաճելի զբաղմունք: Նախաձեռնությանը կմիանա ՀՀ ԿԳ նախարար Արեմն Աշոտյանը: