Նախընտրելի
Ռուսաստանի նախագահ Վլադիմիր Պուտինն ու Ճապոնիայի վարչապետ Սինձո Աբեն պայմանավորվել են ակտիվացնել ավելի վաղ ստեղծված «երկու գումարած երկու»՝ պաշտպանության եւ արտաքին գործերի նախարարների ձեւաչափով շփումները: Այս մասին հաղորդել է ՌԴ ԱԳ նախարար Սերգեյ Լավրովը:
Նրա խոսքով, նշվել է, որ «դա օգտակար կառույց է եւ կարելի է ավելացնել դրա կիրառման մեխանիզմները»:
Ըստ RNS-ի, երկու երկրների ղեկավարները քննարկել են նաեւ Կորեական թերակղզու իրադրությունը: Պուտինը հաստատել է, որ Ռուսաստանը դեմ է Հարավային Կորեայում ամերիկյան ՀՀՊ-ի տեղակայմանը՝ ի պատասխան Փհենյանի կողմից սպառնալիքների, դա ոչ համարժեք արձագանք կոչելով:
Բացի այդ, ՏԱՍՍ-ի փոխանցմամբ, Ռուսաստանն ու Ճապոնիան պայմանավորվել են հստակ գաղափարներ մշակել խոշոր ներդրումային ծրագրերի համար:
Բանակցությունները տեւել են ավելի քան 3 ժամ, ՌԴ նախագահի Սոչիի նստավայրում:
