Նախընտրելի
«Պանամական թղթապանակի» շրջանակում հրապարակված փաստաթղթերը գողացված են, հայտնել է Ռուսաստանի նախագահի մամուլի քատուղար Դմիտրի Պեսկովը:
Նրա խոսքով, չարժե «Ռուսաստանում ապաօֆշորացման գիծը կապել «պանամական փաստաթղթերի» հետ, որովհետեւ դրանք «լիովին տարբեր երեւույթներ են»:
««Պանամական փաստաթղթերը» գողացված փաստաթղթեր են: Անհրաժեշտ է իրերն այդպես իրենց անուններով կոչել», - շարունակել է նա:
Պեսկովը պարզաբանել է, որ չնայած տնտեսության ապաօֆշորացման քաղաքականությանը, որ իրականացնում է Ռուսաստանը, Ռուսաստանում ոչ ոք չի արգելել օֆշորները, որպես այդպիսին եւ դրանցում հակաօրինական ոչինչ չկա: ՌԴ նախագահի մամուլի քարտուղարը հավելել է, որ անօրինական է հարկեր չվճարելը եւ Ռուսաստանում հարկեր վճարումից խուսափելու փորձը, հայտնում է «Վեդոմոստին»:
Լրագրողական հետաքննությունների միջազգային կոնսորցիումը (ICIJ) մայիսի 9-ին մուտք է բացել 320 000 օֆշորային ընկերությունների տվյալների առցանց բազային: Ռուսաստանի հետ կապված 11 516 ընկերություն է հայտնվել բազայում եւ 6285 ֆիզիկական եւ իրավաբանական անձ:
