նախընտրելի դարձնել
ԵԱՀԿ-ի Մինսկի խմբի համանախագահները Սանկտ Պետերբուրգում հանդիպմանը մասնակցել են` ցույց տալու, որ իրենք էլ դեր են խաղում, բայց փաստացիորեն չեն մասնակցել հանդիպմանը: Այդ մասին հունիսի 21-ին մամուլի ասուլիսին հայտնել է «Հայ դատի» գրասենյակի եւ ՀՅԴ-ի քաղաքական հարցերով ղեկավար Կիրո Մանոյանը:
Նա չի կարծում, թե Ադրբեջանի ապրիլյան արկածախնդրության նպատակը Ղարաբաղի հարցում միջազգային խաղացողների քաղաքական ակտիվացմանը նպաստելն էր: «Նախագահների այսօրվա հայտարարության մեջ կետ կա շփման գծում լարվածությունը նվազեցնելու մասին. դա եւս Ադրբեջանի վրա ճնշման արդյունքն է», - նշել է Մանոյանը:
Հիշեցնենք, որ Սանկտ Պետերբուրգում տեղի է ունեցել Ռուսաստանի, Հայաստանի եւ Ադրբեջանի նախագահների եռակողմ հանդիպումը Լեռնային Ղարաբաղի հարցով: Հանդիպման արդյունքում նախագահները համատեղ հայտարարությամբ են հանդես եկել, որի համաձայն, Հայաստանի եւ Ադրբեջանի ղեկավարները պայմանավորվել են մեծացնել ղարաբաղյան հակամարտության շփման գծում միջազգային դիտորդների թիվը:
