Նախընտրելի
Թուրքիայի Մարդին քաղաքում բազմաթիվ ճարտարապետական կառույցների հեղինակ Սարգիս Լոլեի թոռներն այցելել են Մարդին եւ հանդիպել քաղաքապետի հետ:
Թուրքական Haberaktuel-ի փոխանցմամբ` Սարգիս Լոլեի` Բեյրութում եւ Հալեպում ապրող թոռներն այցելել են Մարդին, հանդիպել քաղաքապետ Մեհմեդ Բեշիրի հետ, ում նախաձեռնությամբ Մարդինի փողոցներից մեկն ամիսներ առաջ վերանվանվեց հայտնի հայազգի ճարտարապետ Սարգիս Լոլեի անունով:
Հայազգի ճարտարապետի թոռները նշել են, թե իրենց պապի անունով փողոցի կոչումը իրենց համար կդառնա պատվո շքանշանի պես մի բան:
