Նախընտրելի
Վիետնամական Ենբայ նահանգի բնապահպանական գերատեսչության ղեկավարը գնդակահարել է շրջանային երկու ղեկավարի, հայտնում է Ասոշեյթեդ Պրեսսը:
Հաղորդվում է, որ Կոմունիստական կուսակցության տեղական կազմակերպության ղեկավարը, որը Վիետնամում ղեկավար դեր ունի, եւ նահանգի խորհրդարանի խոսնակը սպանվել են օրենսդիր մարմնի նիստից առաջ: Գործընկերներին գնդակահարած պաշտոնյան հետո ինքնասպան է եղել:
Միջադեպի հանգամանքների հետաքննություն է կատարվում: Վիետնամում հրաձգության հետ կապված հանցագործությունները հազվադեպ են, այնտեղ հրազենի խիստ հաշվարկ է գործում:
