Նախընտրելի
Ինտերնետում են հայտնվել սերիական Lada Vesta ունիվերսալի առաջին լուսանկարները: Հինգդռնանի մեքենայի արտոնագրային լուսանկարները տեղադրվել են Մտավոր սեփականության դաշնային ծառայության բազայում («Ռուսարտոնագիր»), հայտնում է Motor-ը:
Ակնկալվում է, որ նորույթն անվանման մեջ SW նախածանցը կստանա: Ստանդարտ հինգդռնանի մեքենան Lada Vesta Cross ամենագնաց ունիվերսալից կտարբերվի թափքի ստորին հատվածում պլաստմասայե պաշտպանության բացակայությամբ, ուրիշ անիվներով եւ փոքրացված ճանապարհային լուսաշերտով:
Ունիվերսալը շարժիչային նույն գունապնակն ունի, ինչ նույնանուն սեդանը: Lada Vesta –ն առայժմ զինված է միակ 1,6 լիտրանոց շարժիչով` 106 ձիաուժ հզորությամբ, որն աշխատում հինգաստիճանանի «մեխանիկայի» հետ կամ նույն դիապազոնի «ռոբոտի»: Հետագայում «ԱվտոՎԱԶ»-ը կսկսի ավելի հզոր «Վեստայի» թողարկումը` 122 ձիաուժ ագրեգատով` 1,8 լ ծավալով:
Lada Vesta SW-ի սերիական թողարկումը կմեկնարկի 2017 թվականի երկրորդ կեսին: Նորույթի արտադրությունը կիրականացվի Իժեւսկում «ԱվտոՎԱԶ»-ի ձեռնարկությունում:
