Նախընտրելի
Ավելի քան հարյուր բանտարկյալ, ներառյալ անվտանգության ծառայության աշխատակիցներ եւ խաղաղ բնակիչներ, ազատվել են Գիլմենդի նահանգում գտնվող «Թալիբանի» բանտից, հայտնում է «Սինհուան»:
Նահանգային կառավարության նախագահ Օմար Զավակը հայտնել է, որ ազատ արձակումը տեղի է ունեցել այն բանից հետո, երբ կառավարական ուժերը նույն օրը գրավել են բանտը: Նրա խոսքով, հատուկ ուժերի ստորաբաժանումները գրավել են բանտը` ազատելով 101 բանտարկյալի, այդ թվում` անվտանգության ուժերի ծառայողների եւ քաղաքացիական անձանց: Թալիբները կալանված են պահել նրանց, ում մեղադրել են կառավարությանն աջակցության համար եւ առայժմ չեն մեկնաբանել տեղի ունեցածը:
Գիլմենդի նահանգի մայրաքաղաք Լաշկարգահը Քաբուլից 555 կմ-ի վրա է, այդ շրջանը Աֆղանստանում թալիբների պատվարն է համարվում, որի համար նրանք արդեն երեք տարի է` պայքարում են` փորձելով վերահսկողություն սահմանել Պակիստանին սահմանակից ռազմավարական կարեւորություն ներկայացնող տարածքի նկատմամբ:
