Հոկտեմբերի 19-ի լույս 20-ի գիշերը, ժամը 00:20-ի սահմաններում Մաշտոց պողոտայում «պոնչիկանոցի» մոտ էլեկտրասյանն է բախվել «ՎԱԶ-2110» մակնիշի 15 ԼՍ 319 համարանիշի ավտոմեքենան:

Ինչպես NEWS.am-ին հայտնեց ֆոտոլրագրող Գագիկ Շամշյանը, վթարի հետեւանքով վարորդը 26-ամյա Արտեմ Կարլենի Մխիթարյանը տեղափոխվել է թիվ 1 համալսարանական հիվանդանոց, իսկ ուղեւորը` 24-ամյա Նարեկ Նորայրի Ստեփանյանը` «Նաիրի» բժշկական կենտրոն: Հիվանդանոց տեղափոխված երկու երիտասարդներն էլ այս պահին գտնվում են վերակենդանացման բաժանմունքներում: Նրանք Կոնդ թաղամասի բնակիչներ են:

Ոստիկանության քննչական գլխավոր վարչության Երեւան քաղաքի ճանապարհա-տրանսպորտային հանցագործությունների քննության բաժնում վթարի առթիվ կատարվում է նախաքննություն:

 

 

 

 

Լուսանկարները` Գագիկ Շամշյանի