ՆախընտրելիՀոկտեմբերի 20-ին ադրբեջանցի երեք լրագրողներ հացադուլ են սկսել՝ ի պաշտպանություն իրենց գործընկերոջ՝ Էյնուլա Ֆաթուլաեւի, ով անազատության մեջ նախօրեին հացադուլ է սկսել:
Այդ լրագրողներն են Շահվելեդ Չոբաօղլուն, Գան Թուրալին եւ Էլչին Հասանովը:
Չոբանօղլուն Mediaforum կայքին հայտնել է, որ հացադուլ անցկացնելու վայր գտնելու համար դիմել են տարբեր իրավապաշտպան կազմակերպությունների եւ հուսով են, որ կգտնեն:
Ինչպես ավելի վաղ հայտնել էր NEWS.am-ը «Իրական Ադրբեջան» թերթի գլխավոր խմբագիր Էյնուլա Ֆաթուլաեւը Բաքվի քննչական մեկուսարանում հացադուլ է սկսել:
Լրագրողը պահանջում անհապաղ կատարել Մարդու իրավունքների եվրոպական դատարանի վճիռը եւ խոստանում է հացադուլի մեջ մնալ մինչեւ ազատ արձակվելը:
