նախընտրելի դարձնել
Հոկտեմբերի 29-ին Հայաստանի ԱԺ նախագահ Հովիկ Աբրահամյանն ընդունել է Մոնրեալի քաղաքապետ Ժերալդ Թրեմբլեյի գլխավորած պատվիրակությանը:
ԱԺ մամուլի ծառայությունից NEWS.am-ին հայտնում են, որ հանդիպմանը ներկա է եղել նաեւ Երեանի քաղաքապետ Գագիկ Բեգլարյանը:
Ողջունելով հյուրերին` Հովիկ Աբրահամյանը անհրաժեշտ է համարել Կանադայի հետ հարաբերությունների խորացումը, միջխորհրդարանական կապերի ակտիվացումը եւ որպես ԱԺ նախագահ պատրաստակամություն հայտնել աջակցել խթանելու փոխգործակցությունը տարբեր ուղղություններով:
Նա կարեւոր քայլ է համարել Երեւանի ու Մոնրեալի միջեւ առկա ջերմ հարաբերությունները: ԱԺ նախագահը համոզմունք է հայտնել, որ քույր քաղաքների միջեւ հաստատված փոխգործակցությունը իր ուրույն դերակատարությունը կունենա երկու երկրների եւ ժողովուրդների միջեւ հարաբերությունների զարգացմանը:
Մոնրեալի քաղաքապետն, իր հերթին, կարեւորել է երկկողմ շփումների ակտիվացումը, մշակութային եւ կրոնական զբոսաշրջության զարգացումը, տնտեսական փոխգործակցությունը, ինչը կարող է մեծապես նպաստել երկու երկրների միջեւ բարեկամական հարաբերությունների ամրապնդմանը:
Պարոն Թրեմբլեյը ԱԺ նախագահ Հովիկ Աբրահամյանին է փոխանցել Կանադա պաշտոնական այց կատարելու Կանադայի խորհրդարանի նախագահի հրավերը:
