Այսիօր` հոկտեմբերի 30-ի առավոտյան ժամը 10:40-ի սահմաններում հրդեհ է բռնկվել Սեբաստիա փողոցի վրա գտնվող «Մաքսիմա» ռեստորանային համալիրում:

Ինչպես NEWS.am-ին հայտնեց ֆոտոլրագրող Գագիկ Շամշյանը, հրդեհի վայր են ժամանել Արտակարգ իրավիճակների նախարարության հրշեջ եւ փրկարար ծառայությունների աշխատակիցները:

Հրդեհի մարման համար հրշեջները դեպքի վայր էին եկել 2 հրշեջ մեքենաներով: Մարման աշխատանքները տեւել է մոտ 40 րոպե, որից հետո հրշեջները դեպքի վայրից հեռացել են:

Թե որնէ եղել հրդեհի պատճառը, կպարզվի առաջիկայում: Բարեբախտաբար զոհեր եւ վիրավորներ չկան:

 

 

 

 

 

Լուսանկարները` Գագիկ Շամշյանի