Այսօր` նոյեմբերի 1-ին Կոտայքի մարզի ընդհանուր իրավասության դատարանի Հրազդանի նստավայրում շարունակվեց ոստիկանության Չարենցավանի բաժնում կասկածելի հանգամանքներում մահացած  Վահան Խալաֆյանի գործով դատավարությունը:

Նախորդ դատական նիստում  մեղադրական ճառով հանդես էր եկել դատախազ Հարություն Հարությունյանը, ով դատարանին առաջարկել էր գլխավոր ամբաստանյալ, Չարենցավանի քրեական հետախուզության բաժանմունքի արդեն նախկին պետ Աշոտ Հարությունյանին դատապարտել 8 տարվա ազատազրկման, մյուս ամբաստանյալներից Չարենցավանի ոստիկանության օպերլիազոր Մորիս Հայրապետյանին` երկու տարվա պայմանական ազատազրկման: Նա նաեւ դատարանին առաջարկել էր մյուս երկու ամբաստանյալներին` Գագիկ Ղազարյանին եւ Գարիկ Դավթյանին դատապարտել մեկական տարվա ազատազրկման, սակայն կրկին պատիժը կիրառել պայմանական:

Այս պահին դատարանում ճառով հանդես է գալիս տուժողի իրավահաջորդ Արտակ Զեյնալյանը:

 

 

 

Լուսանկարները` Գագիկ Շամշյանի