Այսօր` նոյեմբերի 3-ին, ժամը 4.30-ի սահմաններում Երեւանի Վազգեն Սարգսյան փողոցի թիվ 9 շենքի մոտ, Պարոնյանի անվան թատրոնի դիմաց «Մերսեդես» մակնիշի 10 ՏP 777 համարանիշի ավտոմեքենայի վարորդը վարելով ավտոմեքենան մեծ արագությամբ բախվել է ծառին:  

Ինչպես NEWS.am-ին հայտնեց ֆոտոլրագրող Գագիկ Շամշյանը, վարորդը` 29-ամյա  Սերգեյ Աշոտի Խաչատրյանը տեղում մահացել է: Վարորդին չի փրկել անգամ անվտանգության բարձիկները:

Դեպքի վայր են ժամանել Երեւանի Ճանապարհային ոստիկանության աշխատակիցները` ՃՈ պետ Արսեն Արշակյանի գլխավորությամբ: Վթարի վայր ժամանած ոստիկանության Երեւանի քննչական բաժնի ճանապարհա-տրանսպորտային հանցագործությունների քննության բաժնի քննիչի կողմից տեղազննման աշխատանքներ կատարելուց հետո վարորդի դին «1-03» ծառայությունը տեղափոխեց դիահերձարան:

ՃՏՀ քննության բաժնի քննիչի ցուցումով մեքենան քարշակիրի միջոցով տեղափոխվեց ՃՈ տուգանային հարապարակ: ՃՏՀ քննության բաժնում նյութեր են նախապատրաստվում:

 

 

 

 

 

 

 

Լուսանկարները եւ տեսանյութը՝ Գագիկ Շամշյանի