Նախընտրելի
Ռուսաստանի նախագահ Դմիտրի Մեդվեդեւը վետո է դրել «Հանրահավաքների մասին» օրենքում կատարված փոփոխությունների վրա: Պետական Դուման օրենքն ընդունել էր 2010 թվականի հոկտեմբերի 22-ին և հավանության է արժանացել Դաշնության Խորհրդի կողմից 2010 թվականի հոկտեմբերի 27-ին:
Ինչպես նշված է նախագահի` երկու խորհրդարանների խոսնակներին ուղղված բացատրական նամակում` «օրենքը պարունակում է դրույթներ, որոնք սահմանափակում են քաղաքացիների` հանրահավաքներ, ցույցեր եւ երթեր անցկացնելու սահմանադրական իրավունքը»
Ավելի վաղ քաղաքացիական հասարակության ներկայացուցիչները դիմել էին նախագահին` օրենքի նախագիծը չստորագրելու խնդրանքով:
