Ապարան-Երեւան ջրատարի  վթարման  պատճառով, այսօր՝ նոյեմբերի 6-ի առավոտյան դադարեցվել է Դավիթաշեն վարչական շրջանի եւ մասամբ Աջափնյակ վարչական շրջանի ջրամատակարարումը:

«Երեւան Ջուր»  ընկերությունից NEWS.am-ին հայտնեցին, որ ընկերությունը  ձեռնարկել է վթարավերականգնողական լայնածավալ աշխատանքներ խնդրի հնարավորինս արագ լուծման համար: Ջրամատակարարման ռեժիմի վերականգնման վերաբերյալ  ընկերությունը լրացուցիչ կտեղեկացնի:

Մինչ այդ, նշված տարածքների ջրամատակարարումը կիրականացվի ջրբաշխիչ մեքենաների միջոցով: