Ամերիկյան դատարանը գազանային սպանությունների եւ բռնաբարությունների մեջ մեղադրել է ռուս հայտնի ռեժիսոր Ֆյոդոր Կոմիսարժեւսկու թոռանը՝ Ջոշուային եւ նրա հանցակից Սթիվեն Հեյեսին:

Տեղական օրենքներով նրանց մահապատիժ է սպառնում:

Քոնեքթիքութ նահանգի երդվյալ ատենակալների դատարանը նոյեմբերի 8-ին միաձայն մեղավոր է ճանաչել Կոմիսարժեւսկուն եւ Հեյեսին` երեք մարդու սպանության մեջ եւ մահապատիժ է պահանջել Հեյեսի համար:  Նրա գործով վճիռը կայացվելու է դեկտեմբերին, իսկ Կոմիսարժեւսկու ճակատագիրը կորոշվի հաջորդ տարի:

Քննությանը հաջողվել է պարզել, որ երեք տարի առաջ 44-ամյա Ստիվեն Հեյեսն ու 26-ամյա Ջոշուան գիշերը մտել են Չեշիր քաղաքի մասնավոր տներից մեկը, որտեղ բնակվում էր բժիշկ Ուիլյամ Փոթին իր ընտանիքի հետ: Նրանք ծեծի են ենթարկել բժշկին, երեխաներին պատանդ վերցրել, իսկ բժշկի կնոջն ուղարկել բանկ՝ գումարի ետեւից:

Երբ կինը վերադարձել է, նրանք բռնաբարել եւ խեղդել են կնոջը, ապա նվաստացրել նրա դստերը: Ապա երեխաներին կապել են մահճակալին եւ հրդեհել տունը: Պետիին հաջողվել է դուրս պրծնել տանից:

Ջոշուա Կոմիսարժեւսկին թատերական հայտնի ռեժիսոր Ֆյոդոր Կոմիսարժեւսկու թոռն է: