նախընտրելի դարձնելԱՄՆ-ը ծրագրում է Հարավային Կորեա տեղափոխել Grey Eagle անօդաչու ռազմական թռչող սարքը՝ պատերազմի դեպքում դեպքում ԿԺԴՀ բարձրագույն ղեկավարությանն ու հրամանատարական կետերին հարվածներ հասցնելու համար, հաղորում է «ՌԻԱ Նովոստի»-ն:
Ռազմական աղբյուրի տվյալներով՝ մարտական դրոնը զինված կլինի AGM-114 Hellfire դասի «օդ-երրկիր» չորս հրթիռներով եւ չորս GBU-44/B Viper Strike կառավարվող ավիառումբերով: Հիմնականում այս զենքերը նախատեսված են հյուսիսում՝ ապառազմականացված գոտու ուղղությամբ, հարեւանի ռազմական հարվածները հետ մղելու համար:
Grey Eagle անօդաչու սարքը նաեւ ունի ավտոմատ թռիչքի ու վայրէջքի համակարգեր, որը նրան թույլ կտա թռիչքներ գործել առանց օպերատորի: Այն ունի 280 կմ/ժ արագություն եւ օդում կարող է մնալ 30 ժամ:
Հիշեցնենք, որ Հարավային Կորեան ու ԱՄՆ-ը երկուշաբթի օրը սկսում են Key Resolve համատեղ զորավարժությունները՝ ԿԺԴՀ-ին դիմակայելու ֆոնին: Զորավարժությունները տեղի կունենան մինչեւ մարտի 24-ը:
