Թուրքիայի Էրզրում քաղաքում կազմակերպված  թուրքական ժողովրդական երգերի համերգին 20 րոպե ուշ եկած Էրզրումի նահանգապետն արժանացել է հանդիսատեսի բողոք-սուլոցին։

Թուրքական Milliyet-ի փոխանցմամբ՝  համերգի կազմակերպիչներից Բեքիր Քորքմազը ներողություն է խնդրել նահանգապետից սուլոցների համար։

«Մեր համերգն սկսվել է 19։00-ին, սակայն մենք նախատեսել էինք հեռուստատեսությամբ ուղիղ եթեր ներկայացնել 19։30-ից սկսած եւ նահանգապետին էլ հրավիրել էինք 19։30-ին։  Որոշներն իրենց անդաստիարակությունը ցույց տվեցին՝ սուլելով նահանգապետին եւ իր տիկնոջը:

Էրզրումցիների անունից ներողություն ենք խնդրում պարոն նահանգապետից»,-նշել է Քորքմազը։