«Ժամանակ»-ի տեղեկություններով, ՔԿՀ-ներում հարցաթերթիկներ են բաժանվել անազատության մեջ գտնվողներին, որոնցով փորձում են պարզել դատապարտյալների եւ կալանավորների շրջանում առկա վարքը, ՁԻԱՀ-ով հիվանդների մոտավոր թիվը եւ հիվանդության տարածման հավանական պատկերը: Հարցաշարերի մեջ հեղինակները ներառել են այսպիսի հարցեր. օրինակ՝ ե՞րբ եք վերջին անգամ սեռական հարաբերություն ունեցել, պահպանակ օգտագործե՞լ եք, թե ոչ, տեսել կամ լսե՞լ եք, որ ձեզ ծանոթ կամ անծանոթ դատապարտյալների միջեւ սեռական ակտ լինի, նրանք պահպանակ օգտագործե՞լ են, թե՞ ոչ, հնարավո՞ր է ՔԿՀ-ներում  պահպանակ ձեռք բերել, ընդհանուր օգտագործման սպասքից կամ ներարկիչից վարակվել այդ հիվանդությամբ: Սա թերեւս ՔԿՎ-ի եւ դատապարտյալների միջեւ վերջրես ձեռք բերված այն համաձայնությունն է, որով պետք է ուշադրություն դարձվեր ՔԿՀ-ներում գտնվող ՄԻԱՎ-ՁԻԱՀ-ով հիվանդներին: