Շիրակի մարզպետը բյուջեի հաշվին որոշել է փոխել իր կաբինետն ու թարմացնել գույքը

Մինչ Գյումրիի ու Շիրակի մարզի այլ բնակավայրերի բնակիչները ձմռան նախաշեմին փորձում են միջոցներ հայթայթել ցուրտ ձմեռը մի կերպ անցկացնելու համար, Շիրակի մարզպետ Աշոտ Գիզիրյանը որոշել է փոխել իր կաբինետն ու ամբողջովին թարմացնել գույքը։

Ա. Գիզիրյանը մարզպետ է նշանակվել 2010 թ. մայիսին ու անմիջապես սկսել նախկին մարզպետ Լիդա Նանյանի կաբինետի վերանորոգումը, թեեւ նախկին մարզպետը բնավ էլ ճոխության պակաս չէր զգում։

Արդեն ավարտվել է մարզպետարանի վարչական շենքի ղեկավարների սենյակների կապիտալ վերանորոգումը, որի համար պետական բյուջեից ծախսվել են տասնյակ միլիոնավոր դրամներ։ Բայց կառավարության հաստատմանն է ներկայացվել մեկ այլ որոշման նախագիծ՝ 2,5 մլն դրամ (մոտ 7 հազ. դոլար) լրացուցիչ հատկացնել վերանորոգված կաբինետների կահավորման համար։ Այնպիսի տպավորություն է, կարծես Լ. Նանյանը նախկին կահույքն իր հետ տուն է տարել։ Հետաքրքիր է նաեւ այն հիմնավորումը, որով Շիրակի նոր մարզպետը կառավարությունից գումար է խնդրել։ Բանն այն է, որ վերանորոգման ընթացքում մարզպետարանի որոշ ստորաբաժանումներ ժամանակավոր տեղափոխվել են այլ շենքեր։ Վերանորոգման ընթացքում մարզպետարանի շենքում էլեկտրաէներգիա քիչ է ծախսվել, որն էլ  բնորոշվել է որպես «խնայողություն»՝ մոտ 3 մլն դրամի չափով (մոտ 8,3 հազ. դոլար)։ Ահա, այդ իբր խնայված միջոցների սահմաններում էլ նոր մարզպետը առաջարկել է բյուջեում վերաբաշխում անել՝ մոռանալով, որ այլ շենքեր տեղափոխված իր աշխատակիցների համար բյուջեից վարձավճարներ են հատկացվել։

Ահա Շիրակի մարզպետի ներկայացրած կահույքի նախահաշիվը.

հազ. դրամ

Գործադիր իշխանության, պետական կառավարման հանրապետական և տարածքային կառավարման մարմինների պահպանում   2500.0   

ԱՊՐԱՆՔՆԵՐ                                  հազ. դրամ