նախընտրելի դարձնել
Թուրքիայի արտգործնախարար Ահմեդ Դավութօղլուն նոյեմբերի 27-30-ին աշխատանքային այցով կմեկնի Վաշինգտոն: Այցելության ընթացքում նա կհանդիպի ԱՄՆ պետքարտուղար Հիլլարի Քլինթոնի եւ ԱՄՆ նախագահի ազգային անվտանգության հարցերով խորհրդական Թոմաս Դոնիլոնի հետ: Դավութօղլուն նախատեսում է հանդիպել նաեւ ԱՄՆ Սենատի արտաքին հարաբերությունների հանձնաժողովի նախագահ Ջոն Քերիի հետ:
Թուրքիայի արտգործնախարարը ելույթով հանդես կգա Ջորջթաունի համալսարանում եւ կհանդիպի թուրքական եւ ամերիկյան լրատվամիջոցների ներկայացուցիչների հետ: Դավութօղլուն կմասնակցի նաեւ Foreign Policy ամսագրի տոնական միջոցառմանը, որը վերջերս նրան ընդգրկել էր «աշխարհի 100 մտածողների» ցանկում:
Այցելության ավարտից հետ Դավութօղլուն կմեկնի Ղազախստան մասնակցելու ԵԱՀԿ գագաթաժողովին, որն կանցկացվի դեկտեմբերի 1-2-ին Աստանայում:
