նախընտրելի դարձնել
Արժանապատիվ կենսակերպի համար միջազգային մրցանակը (Right Livelihood Award), որը 1980 թվականից Շվեդիայում շնորհում են շրջակա միջավայրի պաշտպանության եւ աղքատության հաղթահարման ոլորտում եւ որն անվանում այլընտրանքային Նոբելյան մրցանակ այսօր, դեկտեմբերի 6-ին Ստոկհոլմում կստանան չորս դափնեկիրները` բժիշկներ ու բնապահպաններ Նիգերիայից, Բրազիլիայից, Նեպալից եւ Իսրայելից, ասվում է պարգեւատրման հիմնադրամի հաղորդագրությունում:
Այս տարի մրցանակի տիրակալները` նիգերիացի բնապահպան-ակտիվիստ Ննիմո Բասեյը, բրազիլացի եպիսկոպոս Էրվին Կրոյտլերը, Նեպալի ՍԱՊՊՌՕՍ հասարակական կազմակերպությունը եւ Իսրայելի Բժիշկները մարդու իրավունքների համար կազմակերպությունը կբաժանեն 200 հազար եվրո: Պագեւատրման արարողությունը տեղի կունենա Շվեդիայի խորհրդարանում:
Մրցանակի հիմնադիր Յակոբ ֆոն Ուկսկուլը ժամանակին դիմել էր Նոբելյան հիմնադրամ` սեփական ֆինանսավորմամբ բնապահպանության եւ աղքատության հաղթահարման ոլորտի մրցանակներ սահմանելու առաջարկով, սակայն մերժում էր ստացել: Ուկսկուլը հիմնեց մրցանակը, որը շվեդ լրագրողներն անվանեցին այլընտրանքային Նոբելյան մրցանակ: 1980-ից մրցանակին արժանացել են 58 երկրների 137 կազմակերպություններ եւ հասարակական գործիչներ, հաղորդում է ՌԻԱ Նովոստին:
