նախընտրելի դարձնել
Այսօր` Դեկտեմբերի 6-ին Երեւանում մեկնարկել է ՀԱՊԿ անդամ երկրների ներքին գործերի նախարարությունների եւ ոստիկանության մարդկանց առեւտրի դեմ պայքարի ստորաբաժանումների ղեկավարների եւ մասնագետների աշխատանքային հանդիպումը:
Բացման խոսքով հանդես է եկել ՀՀ ոստիկանության ԿՀԴՊ գլխավոր վարչության թրաֆիքինգի դեմ պայքարի բաժնի պետ, ոստիկանության փոխգնդապետ Տիգրան Պետրոսյանը: Նա ներկայացրել է ՀՀ-ում թրաֆիքինգի ծագման նախապատմությունը` սկսած Խորհրդային Միության փլուզումից մինչեւ օրս:
Զեկույցում նշվել են նաեւ այն երկրները, որտեղ առանձնապես շատ են արձանագրվել թրաֆիքինգի դեպքերը:
Անդրադարձ է եղել նաեւ ՀԱՊԿ անդամ երկրների ՆԳ եւ ոստիկանության համապատասխան ստորաբաժանումների միջեւ փոխհամագործակցությանը, ինչն առավել կբարձրացնի թրաֆիքինգի դեմ պայքարի արդյունավետությունը:
Հանդիպմանը ներկա են եղել նաեւ մի շարք հասարակական կազմակերպությունների ներկայացուցիչներ:
Աշխատանքային հանդիպումը կշարունակվի դեկտեմբերի 7-ին:
