HBO հեռուստաալիքի ներքին ցանցը կոտրած ցանցահենները համացանցում են հրապարակել «Գահերի խաղ»-ը սերիալի յոթերորդ եթերաշրջանի եզրափակիչ դրվագի մանրամասները, հաղորդում է Wrap պարբերականը։

Պարբերականի տվյալներով՝  եթերաշրջանի բոլոր սերիաների բովանդակությունը, ներառյալ վերջին «Վիշապն ու գայլը» սերիան, համացանցում է տեղադրվել՝ «HBO-ի արտահոսքերի վեցերորդ ալիք» անվամբ։

Ամբողջական բովանդակությամբ «փաստաթուղթը» շուրջ 20 էջից է բաղկացած, այն թվագրվոււմ է 2016 թվականի ապրիլի 26 եւ նախատեսված է ներքին օգտագործման համար։