Այսօր՝ դեկտեմբերի 14-ին Հայաստանի բնապահպանության նախարար Արամ  Հարությունյանն ընդունել է Կովկասի Բնության Հիմնադրամի գործադիր տնօրեն  Դեյվիդ Մորրիսոնին, եւ քննարկել Խոսրովի ծրագրին դրամաշնորհ հատկացնելու հարցը:

Նախարարության մամուլի ծառայությունից NEWS.am-ին հայտնում են, որ հանդիպմանը քննարկվել է հետեւյալ հարցերը.

1. Խոսրովի ծրագրին դրամաշնորհ հատկացնելու վերաբերյալ քառակողմ Հուշագիր- Համաձայնագրի կնքումը,
2. Կովկասի Բնության Հիմնադրամի կողմից  հատկացվող ֆինանսական միջոցների հաշվին Հայաստանում 2010-2014թթ  իրականացվող  ծրագրերը,
3. Կովկասի Բնության Հիմնադրամի հնարավորությունների ընդլայնման խնդիրները` Հիմնադրամի  ֆինանսական  օժանդակությունըընդլայնելու տեսակետից, այդ թվում`
ա/ համատեղ աշխատանք մասնավոր հատվածի հետ մասնավորապես` հիմնադրամի համալրմանը նպատակաուղղված հարցերում,
բ/   հիմնադրամի համալրման նպատակով համագործակցությունը սփյուռքահայության հետ,
գ/ համագործակցություն դոնոր երկրների ներկայացուցիչների հետ մասնավորապես`  հանդիպման կազմակերպումը դոնոր երկրի ներկայացուցիչների հետ ՀՀ  Խոսրովի պետական արգելոցում:

ՀՀ բնապահպանության նախարար Արամ Հարությունյանը հույս է հայտնել, որ համագործակցությունը  մասնավոր հատվածի, միջազգային կառույցի  եւ այլ դոնոր երկրների հետ  կտա իր նշանակալի արդյունքները Կովկասի Բնության Հիմնադրամի գործունեությունը Հայաստանում առավել արդյունավետ դարձնելու նպատակով: