նախընտրելի դարձնել
Մոսկվայում Կիեւյան կայարանի հրապարակի մոտ, որտեղ ոստիկանությունն ուժեղացրել է անվտանգությունը, տեղի է ունեցել առաջին բախումը:
«Ինտերֆաքսի» հաղորդմամբ, կռվարարները ձերբակալվել են ՕՄՕՆ-ի կողմից:
Հրապարակում ներկայումս 300 մարդ կա, որոնց շարքում են նաեւ լրագրողներ, սլավոնական եւ կովկասյան արտաքինով երիտասարդներ:
«ՌԻԱ Նովոստիի» հաղորդմամբ, «Եվրոպական» առեւտրի կենտրոնի մուտքի մոտ մի խումբ երիտասարդներ հարցազույցներ են տվել մի շարք լրատվամիջոցների եւ հրաժարվել են հեռանալ ոստիկանության պահանջով: Նրանց բոլորին ոստիկանությունը ձերբակալել է:
«Եվրոպական» առեւտրի կենտրոնին են մոտենում ՕՄՕՆ-ի աշխատակիցները:
«Կոմերսանտ FM» ռադիոկայանը հաղորդում է, որ «Եվրոպական» առեւտրի կենտրոնի առջեւ անընդհատ բախումներ եւ կռիվներ են լինում սլավոնական եւ կովկասյան արտաքինով երիտասարդների միջեւ: Ներկայումս ձերբակալվում են սլավոնական արտաքինով մարդիկ: Նրանց բոլորին ուղեկցում են դեպի ՕՄՕՆ-ի ավտոբուսներ: Մթնոլորտը շիկացած է:
