նախընտրելի դարձնելՄի խումբ անձանց կողմից նախնական համաձայնությամբ խոշոր չափերով խարդախության մեջ մեղադրվողն այսօր արդարացվել է: NEWS.am-ը փաստաբան Մարինե Ֆարմանյանի ֆեյսբուքյան էջից տեղեկանում է, որ Ավան եւ Նոր Նորք վարչական շրջանների ընդհանուր իրավասության դատարանը, նախագահությամբ Սերգեյ Մարաբյանի, ՀՀ քրեական օրենսգրքի 178-րդ հոդվածի 2-րդ մասի 1-ին եւ 2-րդ կետերով նախատեսված հանցանքի կատարման մեղադրանքով ճանաչել եւ հռչակել է իր պաշտպանյալ Կ.Գ.-ի անմեղությունը:
«Դատավոր Դավիթ Հարությունյանի գոյությամբ Ավանի դատարանը քրեական գործերի քննության տիրույթում շատ լավն էր, իսկ դատավոր Սերգեյ Մարաբյանի գալով՝ դարձավ ԸՆՏԻՐ».- գրառել է փաստաբանը:
Ըստ մեղադրանքի՝ Կարեն Գրիգորյանը խարդախությամբ ուրիշի խոշոր չափերի գույքի հափշտակություն կատարելու դիտավորությամբ, նախնական հանցավոր համաձայնության գալով իր ընկերոջ՝ Սերգեյ Ղազարյանի հետ, խաբեությամբ, ավտոմեքենայի 1-օրյա վարձակալության պայմանագիր կնքելու կեղծ պատրվակով, հափշտակել են Ա. Ղ-ին պատկանող՝ 1.750.000 ՀՀ դրամ արժողության «Opel Astra» մակնիշի ավտոմեքենան:
Կարեն Գրիգորյանի նկատմամբ որպես խափանման միջոց էր ընտրվել չհեռանալու մասին ստորագրությունը:
