Բաքվի հեռուստաաշտարակի տարածքում տեղի է ունեցել սողանք, առաջացել են ճեղքեր: Տարածքում կառուցված պատերը դեֆորմացվել են:

Էկոլոգիայի եւ բնական պաշարների նախարարության ներկայացուցիչ  Ռաֆիկ Հասանովը ԱՊԱ գործակալությանը հայտնել է,որ  Բալի  ավանի ուղղությամբ  լանջը  ուղղահայաց կտրվել  էր  շինարարական աշխատանքների համար, որը եղել է կայունության կորուստի պատճառը։ «Այդ պատճառով, ինչպես նաեւ  տեղումների պատճառով սկսվել են  սողանքներ, առաջացել են տարբեր չափերի  ճաքեր»: Հասանովը նշել է, որ սողանքային տարածքը գտնվում է հեռուստատեսային աշտարակից  250-300 մետր հեռավորության վրա։  Ռ. Հասանովը նաեւ նշել է, որ սողանքը սպառնալիք չի ներկայացնում: